13.8 C
Prizren
E diel, 2 Prill, 2023

Haskuka merr mbështetjen e shefit të BE-së për projekte zhvillimore

Kryetari i Komunës së Prizrenit, Mytaher Haskuka sot ka pritur në takim zyrtar shefin e ri të Zyrës së Bashkimit Evropian në Kosovë/ Përfaqësuesin e Posaçëm të BE-së, ambasadorin Tomas Szunyog.

Gjatë këtij takimi u diskutuan tema të ndryshme, në fokus për projektet në arsim, shëndetësi, turizëm e zhvillim ekonomik, si dhe hapat që ka ndërmarrë Komuna për uljen e pasojave të shkaktuara nga pandemia.

Duke e shprehur mirënjohjen ndaj ambasadorit Szunyog, kryetari Haskuka deklaroi se ndihet i gëzuar për përshtypjet që ka ambasadori për Prizrenin, imazhin e qytetit, historinë, traditën, kulturën e multi-etnicitetin.

Ndërsa ambasadori Szunyog, duke theksuar se kjo është vizita e parë zyrtare, por jo e fundit në Komunën e Prizrenit, shprehu mbështetjen e mëtejmë të BE-së për projekte dhe aktivitete të ndryshme zhvillimore.

Pas mbajtjes së takimit, ambasadori Szunyog, i shoqëruar nga kryetari Haskuka, vizitoi qendrën historike të qytetit, monumentet e trashëgimisë kulturore dhe fetare, si dhe zhvilluan një takim të përbashkët me komunitetin e biznesit në Prizren.

Më Shumë

Mot i vranët dhe me reshje shiu

Instituti Hidrometeorologjik i Kosovës ka njoftuar se sot pritet të mbajë mot i vranët dhe me reshje shiu. Sipas IHK-së, temperaturat do të pësojnë ulje...

Totaj fton konferencë të jashtëzakonshme

Kryetari i Prizrenit, Shaqir Totaj, ka ftuar një konferencë të jashtëzakonshme. Konferenca mbahet sot në orën 15:00, në Shtëpinë e Bardhë. https://prizrenpress.com/asociation-loyola-gymnasium-shpall-konkurs-per-regjistrimin-e-nxenesve-te-rinj/

Lajmet e Fundit