Kryetari i Degës së Nismës Socialdemokrate në Gjakovë, Fazli Hoxha, i cili është edhe kandidat për deputet, i shoqëruar edhe nga kandidatët tjerë për deputetë, takuan të mërkurën banorët e Rogovës së Hasit me të cilët bashkëbiseduam për zgjedhjet e 6 tetorit.
“U zotuam se Nisma Socialdemokrate do të jetë zëri i tyre në Kuvendin e Kosovës. Edhe në këtë takim theksuam se më 6 tetor vota për koalicionin NISMA-AKR-PD do të jetë votë për ndryshim të kursit të qeverisjes në vend”, ka shkruar Hoxha në llogarinë e vet në “Facebook”.
Ai ka thënë se vetëm ky koalicion garanton zhvillim ekonomik dhe mirëqenie më të mirë për qytetarët e Kosovës.