Gjykata Themelore në Prizren, ka shpallur fajtor ish-pjesëtarin e Policisë së Kosovës, Adem Dakaj për kryerjen e veprës penale të marrjes së ryshfetit dhe ia ka shqiptuar dënimin me burg për pesë vjet si dhe gjobën në të holla prej një mijë eurosh.
”Trupi gjykues shpalli fajtor ish pjesëtarin e Policisë së stacionit “Alfa” në Prizren Adem Dakaj , si polic hetues për shkak të veprës penale marrja e ryshfetit dhe e ka gjykuar me dënim prej 5 vjet burg dhe gjobë prej 1000 eurosh”, ka thënë për Koha Ditore, Afërdita Kicaj, zëdhënëse e Gjykatës Themelore të Prizrenit.