Misioni i OSBE-së në Kosovë dhe Komisioni i Pavarur për Media do të mbajnë një konferencë rajonale, dyditore, mbi kalimin nga transmetimi analog në atë digjital në Prishtinë.
Përfaqësues të agjencive rregulluese për media audio-vizuele dhe të transmetuesve publik nga Tirana, Prishtina, Beogradi, Podgorica, dhe Sarajeva do të diskutojnë për sfidat me të cilat përballen dhe do të gjejnë zgjidhje se si të përmbushet afati për kalim në transmetim digjital deri në qershor të vitit 2015. Këto diskutime do të bëhen së bashku me përfaqësues të Unionit Ndërkombëtar të Telekomunikacionit, të Unionit të Transmetuesve Europianë dhe me kolegët e tyre nga Ljubjana, Shkupi, e Zagrebi të cilët e kanë finalizuar tashmë këtë kalim.