Drejtoria e Shërbimeve Publike në Prizren ka hapur konkurs për pastërtinë e mjedisit. Konkursi është hapur me rastin e shënimit të Ditës së Tokës.Zëdhënësi i Komunës, Ymer Berisha tha se me rastin e 22 prillit, Komuna e Prizrenit,do të organizojë një aktivitet për shënimin e kesaj date.
“Të drejt konkurrimi kanë qytetarët,përfaqësuesit e rrugës,lagjes dhe institucioneve të ndryshme në qytet dhe fshat. Të interesuarit për konkurrim duhet të aplikojnë me shkrim dhe foto të objektit në zyret e kësaj drejtorie”.
“Fituesit në këtë konkurs do të shpërblehen me shpërblime modeste,të lëmisë së mjedisit”.
Konkursi do të jetë i hapur për kopshtit më të rregulluar dhe të pajisur me llojllojshmëri të bimëve dekorative, ballkonin më të bukur dhe të pasur me lule;rruga më e pastër ekologjike dhe lagja më e pastër, komposteri më i mirëmbajtur .
Konkursi është i hapur deri më 31.05.2015