Kryeparlamentari, Jakup Krasniqi nëpëmjet rrjetit social Facebook, ka dhënë arsyet për mosvotimin e Ligjit për amnisti, ku njëherit ai edhe e kishte bojkotuar seancën.
“Mosvotimi im për Ligjin e Amnestisë është bërë për disa arsyje: Në rend të parë unë kam votuar kundër Marrëveshjes kështu siç është, që do të thotë se unë kam qenë për një marrëveshje e cila do t’i normalizonte Marrëdhëniet me Serbinë dhe e cila pastaj Kosovës do t’ia garantonte anëtarësimin në OKB e mekanizma tjerë ndërkombëtar.
Pra kam votuar kundër Marrëveshjes dhe produkteve që prodhon ajo edhe përshkak të mos transparencës. Nuk mora pjesë në votimin për Ligjin e Amnestisë, pasi nuk isha kundër ligjit, por isha kundër jo plotnisë së tij dhe politizimit të tij. Madje edhe mosvotimi ishte votë kunder Ligjit. Këto janë arsyjet e mosvotimit, por ka edhe të tjera që s’po i përmendi edhe përshkak të hapësirës”, është shprehur në Facebook, Krasniqi.