Kryeministri i Kosovës, Isa Mustafa, priti në takim ambasadoren e Shteteve të Bashkuara të Amerikës në Republikën e Kosovës, Tracey Ann Jacobson.
Mustafa ka pranuar urimet nga ambasadorja amerikane për zgjedhjen e tij në postin e kryeministrit dhe ka marrë zotimin e Ambasadës së SHBA-ve për vazhdimin e mbështetjes së zhvillimit të proceseve politike në Kosovë.
Kryeministri Mustafa ka vlerësuar lartë rolin dhe angazhimin e ambasadës së SHBA-ve, duke theksuar se do të vazhdohet edhe më tej bashkëpunimi i ngushtë me Shtetet e Bashkuara të Amerikës.