Kryeprokurori i Prokurorisë Themelore në Prizren, Petrit Kryeziu priti në takim pune z.Vesa Satamo, monitorues tematik për krimet ndaj mjedisit nga Njësia për Monitorim të rasteve të EULEX-it.
Në këtë takim mori pjesë edhe prokurori/koordinator për veprat penale kundër mjedisit,Shpend Binaj.
Takimi kishte për qëllim forcimin e bashkëpunimit ndërinstitucional në luftën kundër degradimit të mjedisit, një ndër sfidat aktuale që ndikon në shëndetin publik dhe zhvillimin e qëndrueshëm të vendit.
Gjatë këtij takimi, u diskutua edhe për aksionin e Prokurorisë së Prizrenit të datës 04.06.2025 kundër degradimit të mjedisit, ku kryeprokurori Kryeziu, shpalosi detaje të rëndësishme mbi këtë operacion dhe rezultatet e tij.
Gjithashtu, u diskutuan strategjitë e koordinuara për përmirësimin e zbatimit të ligjit dhe forcimin e bashkëpunimit ndërinstitucional në luftën kundër krimeve mjedisore.
U theksua rëndësia e intensifikimit të hetimeve dhe ndëshkimit të veprave që degradojnë natyrën dhe burimet natyrore, si dhe përmirësimi i kapaciteteve të prokurorisë për trajtimin e këtyre çështjeve.
Në veçanti, u kërkua që tu jepet vëmendje e veçantë dhe përkushtim maksimal arsyetimeve për konfiskimin e mjeteve që shfrytëzohen për kryerjen e këtyre veprave penale, si një masë e domosdoshme për parandalimin dhe ndëshkimin efektiv të degradimit mjedisor.
Në përfundim të takimit, palët theksuan përkushtimin e tyre për të intensifikuar bashkëpunimin dhe për të marrë masa konkrete në luftën kundër degradimit të mjedisit.
Marketing
Banesat më të kërkuara në Prizren – Bëhu pronar në Foleja Residence!
NISU – Çdo natë për Ulqin me Bashkimi Reisen nga 27 qershori!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren