Lidhja Demokratike e Dardanisë (LDD), është e gatshme për mbajtjen e zgjedhjeve parlamentare.
Në takimin e Kryesisë së LDD-së, Nexhat Daci ka njoftuar shkurtimisht për aktualitetin politik në Kosovë, kurse pikë kryesore e rendit të ditës ishte përgatitja për zgjedhjet e ardhshme parlamentare në Kosovë.
Kryesia e LDD-së, pas diskutimeve të të gjithë anëtarëve të pranishëm në mbledhje, ka vendosur unanimisht rreth numrit të kandidatëve për deputetë, të cilët LDD-ja duhet propozuar në listën e përbashkët të koalicionit AAK-LDD si dhe rreth kritereve që ata kandidatë duhet plotësuar për t’u propozuar.
Kryetari Daci dhe kryesia e LDD-së, kanë kërkuar nga degët që propozimet e tyre të sillen në selinë e partisë gjatë javës tjetër.
Kryetari Daci, gjithashtu ka vlerësuar shumë lartë vizitat dhe mbledhjet e Kryesisë së LDD-së në Degët e Mitrovicës dhe Gjilanit dhe organizimin e degëve përkatëse.