1.8 C
Prizren
E martë, 31 Janar, 2023

LDK-ja në Dragash akuzon pushtetin për punësime politike

LDK-logo5-23Lidhja Demokratike e Kosovës(LDK) në Dragash, ka kritikuar pushtetin lokal, për mënyrën e pranimit të kandidatëve në tri konkurse publike.

“Ne si LDK, Dega në Dragash evidentuam shumë parregullsi në rrjedhat e pranimit të kandidatëve për tri konkurse të publikuara kohëve të fundit “, thuhet në reagimin e LDK-së në Dragash.

Komuna e Dragashit pat hapur muajin e kaluar, konkurs për vendin e punës; zyrtar zotues, inspektor komunal dhe inspektor të tregut.
“Në të tri vendet e punës janë bërë përzgjedhje politike dhe pa kritere profesionale” .

“Këtë konstatim e nxjerrin sepse në të tri rastet refuzohet kandidati Zeni Krasniqi, ekonomist I diplomuar, punëtor shumëvjeçar në shkollën e mesme “Ruzhdi Berisha” në Dragash dhe ish drejtor I Emergjencës në KK Dragash. Kundrejt tij pranohen kandidatë me më pak përvojë pune, ose pa përvojë, me kualifikim Baçelor në universitete private. Ky refuzim I kandidatit Zeni Krasniqi është kulmi I hipokrizisë dhe I diskriminimit iracional që bëhet ndaj kuadrove të dëshmuara dhe ndaj njerëzve që nuk i përkasin partisë në pushtet(PDK-së)”.

“ Absurditeti kulmon sepse Zeni Krasniqi këtë vit shkollor rezulton pa vend pune në Shkollën e Mesme në Dragash, vetëm e vetëm pse është aktivist i LDK-ës .Me këto përzgjedhje politike njerëzve po shihet se shumë afër u duket mërgimi sepse diskriminimi po vepron legalisht dhe kjo po shndërrohet në persekutim e përndjekje”.

“Bëjmë apel tek institucionet e reja të posakrijuara që të ndalet fushata e këtillë diktatoriale e pushtetit lokal në Dragash, sepse këto raste janë vetëm raste më të freskëta kur dihet se pushteti lokal këtë praktikë diskriminuese kundrejt LDK-së e ka bërë rutinë”./PrizrenPress.com/

Më Shumë

Rita Ora publikon ‘trailerin’ e klipit të ri, shfaqet si nuse dhe me një sërë figurash publike në krah

Këngëtarja shqiptare me famë ndërkombëtare, Rita Ora, po bëhet gati për rikthimin e madh. Ajo ka paralajmëruar se më 27 janar do të publikojë këngën...

Kosova drejt federalizmit, njohja reciproke as në qendër e as në thembër!

Behxhet Sh. SHALA – BAJGORA Zajebnica nuk kalon, kalon, kalon: Asociacioni i komunave të Serbisë në Kosovë ishte kundërshtuar nga të gjithë ata që donin...

Lajmet e Fundit