Në një takim të drejtorit të “Loyola-Gymnasium”, Enver Sulaj me drejtoreshën ekzekutive të organizatës ndërkombëtare “CONCORDIA Projekte Sociale”, Mirela Lavriç, është biseduar lidhur me bashkëpunimin e deritanishëm dhe idetë për projekte të reja në të ardhmen.
“ Misioni i përbashkët në edukimin dhe arsimimin e të rinjve dhe dhënia e mundësive të barabarta për të gjithë, vijon të jetë bazë e bashkëpunimit, ku përfitues do të jenë të gjitha komunitetet. Pjesëmarrja në programe të përbashkëta kulturore-artistike, angazhimi i nxënësve të “Loyola-Gymnasium” si vullnetarë, por edhe mbështetja në shkollimin e nxënësve që vijnë nga “CONCORDIA Projekte Sociale” dëshmojnë përkushtimin dhe angazhimin tonë si institucion në dobi të përgjithshme”, tha Sulaj.
Asociation “Loyola–Gymnasium” shpall konkurs për regjistrimin e nxënësve të rinj
Në këtë takim, të pranishme ishin edhe zv. drejtoresha e “Loyola-Gymnasium”, Shqipe Sharani dhe Gjeneta Çoçaj, koordinatore e “CONCORDIA Projekte Sociale”.
