Pas 3 humbjeve në 3 ndeshjet e 3 viteve të fundit të Superkupës së Anglisë, Manchester City e ka fituar këtë trofe sot.
City e mposhti në Wembley pas penalltive skuadrën e Manchester Unitedit, me kohën e rregullt që u mbyll 1-1.
Me shumë mungesa në formacion luajtën të dyja skuadrat, duke marrë parasysh angazhimet e lojtarëve në Kampionat Evropian, gjë që çoi në ritëm më të ulët të ndeshjes.
Golat e ndeshjes erdhën nga zëvendësuesit. Fillimisht Alejandro Garnacho shënoi për Unitedin në minutën e 82’, e Bernardo Silva nuk e lejoi humbjen e skuadrës së tij, duke shënuar në minutën e 89’ me kokë.
Kështu, koha e rregullt u mbyll 1-1, e pas penalltive fitoi Manchester City.
Jadon Sancho dhe Johnny Evans nuk shënuan nga pika e bardhë për Unitedin, e Bernardo Silva ishte i vetmi që gaboi te City.
Kjo është hera e shtatë në histori që City e fiton Superkupën e Anglisë, e United mbetet me 21, më shumë se çdo skuadër tjetër.
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit