1.8 C
Prizren
E mërkurë, 1 Shkurt, 2023

Më në fund gjërat vijojnë të ecin mirë mes, Asap Rocky dhe Donald Trump

Marrëdhëniet mes rep artistit, Asap Rocky, dhe ish-presidentit të Shteteve të Bashkuara të Amerikës, duken të jenë rregulluar pas “ftohjes” që pësuan viteve të fundit.

Gjatë lansimit të premierës së dokumentarit të ri të Rockyt, “Stockholm Syndrome”, në festivalin e filmit, “Tribeca”, një anëtar i audiencës e ka pyetur të nominuarin për Grammym, nëse akoma kishte ndonjë përçarje mes tij dhe Trump.

Sipas Page Six, Rocky ishte përgjigjur troç duke thënë – “Ne jemi mirë”.

Rocky, emri i vërtetë i të cilit është Rakim Mayers, kaloi 33 ditë në një burg suedez në vitin 2019 pasi ai dhe dy anëtarët e grupit të tij dyshohet se sulmuan një adoleshent.

Atij iu dha një dënim me kusht dhe u urdhërua të paguante një gjobë prej rreth 1,300 dollarësh për viktimën.

Videoja e lëshuar në atë kohë tregonte dy vendas që ndiqnin Rockin dhe shoqëruesit e tij rreth Stockholmit para se të shpërthente përleshja.

Ndërsa, Trump loboi për lirimin e rep artistit duke telefonuar personalisht kryeministrin suedez.

Pasi Rocky u lirua, raportet thanë se disa nga njerëzit e Trump ishin të zemëruar me Asap Rockyn, sepse ky i fundit nuk e kishte falënderuar Donaldin.

Rocky sqaroi për emisionin radiofonik “The Breakfast Club” në vitin 2020 se ai e falënderoi Trump në mënyrë private.

“Unë isha çmendurisht falënderues që ai e bëri atë, sepse ai nuk kishte pse”, u shpreh ai

Dokumentari, “Stockholm Syndrome”, i cili tregon historinë e burgosjes së Rocky, përfshin paraqitje të disa prej figurave publike më me nam në mbarë botën, përfshirë Kim Kardashian, Naomi Campbell e Tyler.

/Albanianpost.com

Më Shumë

Kërcënohet kryetari i Prizrenit, Shaqir Totaj

Kryetari i Komunës së Prizrenit, Shaqir Totaj është kërcënuar. Lajmin e ka konfirmuar zëdhënësi i policisë së Prizrenit, toger Shaqir Bytyqi. Sipas tij, Totaj ka marrë...

Aksion kundër drogës në Prizren: Arrestohet pronari i një lokali masazhi, kapet me kokainë

Një aksion nga Drejtoria për Hetimin e Trafikimit me Narkotikë i zhvilluar të hënën në Prizren ka rezultuar me arrestimin e një personi të...

Lajmet e Fundit