Mësuesja e shkollës “Dëshmorët e Greikocit” në Suharekë, Qëndresa Çelaj, e cila para Vitit të Ri la procesin mësimor e bashkë me dy fëmijët e saj shkoi në Gjermani, tashmë po kthehet në Kosovë. Lajmin për kthimin e saj e ka dhënë kolegu i punës, Fikret Ramaj.
“Mësuesja e shkollës sonë, Qëndresa Çelaj, e cila para Vitit të Ri la procesin mësimor e bashkë me dy fëmijët e saj shkoi në Gjermani, tashmë po kthehet në Kosovë përfundimisht. Vërtet lajm i gëzueshëm! Përsëri po kthehen nxënësit tanë për të vazhduar rrugën e dijes aty ku e lanë në gjysmë. Pra, gjatë kësaj periudhe në shkollën tonë janë kthyer 4 nxënës. Inkurajojmë që këto raste të kthimit të nxënësve t’i ndjekin edhe familjet e tjera. Nxënësve të kthyer u urojmë shëndet e mësime të mbara! Vërtet na gëzuat!”, shkruan Ramaj në Facebook.
“Çdo ditë po marrim lajme se nxënësit tanë që janë larguar nga shkolla për t’ju bashkuar familjeve të tyre për jetuar në botën e jashtme po kthehen përsëri në vendlindjen e tyre. Lajme të tilla po dëgjojmë gjithandej Kosovës. Kjo na bënë që të ndihemi mirë, ngase Kosova më shumë se kurrë ka nevojë që t’i kthehen nxënësit, që dikur i kishte në gjirin e saj. Siç thotë proverbi popullor: “Guri i rëndë peshon në vend të vet!” / PrizrenPress.com/