Sot, u nderua jeta dhe vepra e Dr. Bajram Kryeziu, i cili ndërroi jetë në moshën 59 vjeçare.
Ushtruesi i detyrës së drejtorit të QKMF “Nexhip Berisha” nw Prizren, Fadil Bajraktari, e kujtoi të ndjerin si një profesionist të fushës së tij, i cili deri në momentin e fundit i shërbeu pacientëve me përkushtim.
Kryetarja e Federatës Sindikale të Shëndetësisë së Kosovës, Tevide Imeri, u shpreh se Dr. Bajrami gjithmonë ka qenë në ballë të betejave për përmirësimin e kushteve të punës për një sistem shëndetësor më të drejtë për kolegët e tij.
Kolegu i të ndjerit, Bektesh Kryeziu, theksoi se të gjithë kanë humbur një koleg shembullor dhe një mjek të suksesshëm.
Ndërkaq, vajza e të ndjerit, Drilona Kryeziu, mes lotësh kujtoi babanë e saj si një humanist, profesionist dhe prind shembullor për të dhe dy vëllezërit e saj.
Dr. Bajram Kryeziu, përveç kontributit shumëvjeçar në kujdesin parësor shëndetësor, ishte edhe nënkryetar i Federatës Sindikale të Shëndetësisë së Kosovës.
Ai ndërroi jetë papritmas më 30 janar 2025, duke lënë pas një kontribut të jashtëzakonshëm në fushën e tij, i njohur për profesionalizmin dhe butësinë në ofrimin e shërbimeve për pacientët./TV Prizreni
Marketing
