Katër persona janë arrestuar nga policia dje në rrugën “Olimpia” në Prizren, raporton PrizrenPress.
Tre qytetarë të Prizrenit dhe një shtetas i Norvegjisë janë ndaluar nga policia në një pikë kontrolli ku më pas u janë gjetur nëntë qese me substancë të dyshuar narkotike e llojit kokainë në veturë.
Po ashtu, policia ka konfiskuar edhe katër telefonat e të dyshuarve, 170 euro si dhe veturën me të cilën ishin duke vozitur të njëjtit.
Më vendim të prokurorit të dyshuarit janë dërguar në mbajtje./PrizrenPress.com/