9.8 C
Prizren
E premte, 29 Mars, 2024

Nesër zyrtarisht nis fushata për balotazhin

Nesër edhe zyrtarisht nis fushata zgjedhore për balotazhin.

Kjo fushatë zgjedhore do të zgjas pesë ditë siç është përcaktuar nga Komisioni Qendror Zgjedhjeve.

Kështu u bë e ditur për Klankosova.tv ditë më parë nga zëdhënësi i Komisionit Qendror të Zgjedhjeve Valmir Elezi.

“KQZ-ja ka vendosur për kohëzgjatjen e fushatës zgjedhore të raundit të dytë të Zgjedhjeve për Kryetarë të Komunave. Janë 5 ditë në dispozicion të subjekteve politike dhe kandidatëve të tyre për të zhvilluar aktivitetet në kuadër të fushatës zgjedhore, duke filluar nga 8 nëntori deri më 12 nëntor”.

Partitë politike thuajse për asnjë ditë nuk i kanë ndaluar aktivitetet e fushatës edhe pas përfundimit të raundit të parë dhe përcaktimit të afatit nga KQZ.

Në disa komuna partitë politike tashmë veçse i kanë zyrtarizuar edhe marrëveshjet për ta mbështetur njëri tjetrin.

Votimet për raundin e dytë të zgjedhjeve do të mbahet të dielën më 14 nëntor.

Raundi i dytë i zgjedhjeve do të mbahet në 21 komuna ku asnjëra nga kandidatët për kryetarë të komunave nuk arriti të marrë 50+1 përqind të votave.

Më Shumë

Lajmet e Fundit