6.8 C
Prizren
E hënë, 5 Dhjetor, 2022

Nga nesër ulen temperaturat e prishet moti

Instituti Hidrometeorologjik i Kosovës thotë se vendi ynë do të ndikohet nga masat e lagështa të ajrit me presion të ndryshueshëm atmosferik. Si pasojë e vranësirave të dendura e herë–herë konvektive do të krijohen kushte për reshje shiu dhe shkarkime rrufesh.

Sa u përket temperaturave ato do të pësojnë rënie sidomos në vlerat e maksimaleve.

“Minimalet parashihen të lëvizin ndërmjet 4-8 gradë Celsius, ndërsa maksimalet e ditës parashihen të lëvizin ndërmjet 11-22 gradë Celsius. Dita e martë do të shënoj rënie në vlerat e maksimaleve, parashihen reshje shiu në vise të ulëta dhe vise me lartësi mesatare, derisa në viset malore me lartësi mbi 1500m mbi nivel të detit, reshjet e shiut do të jenë të shoqëruara edhe me fjolla bore”, thekson Instituti në parashikimin e motit për 5 ditët e ardhshme.

Sipas parashikimeve numerike dhe sinoptike reshjet parashihen të fillojnë diku në orët e vona të ditës së hënë për të vazhduar edhe ditën e martë.

Të mërkurën reshjet do të zvogëlojnë intensitetin, kurse të enjten parashihen edhe rreze dielli.

Do të fryjë erë nga drejtimi i veriut dhe jugperëndimit me shpejtësi 1-16m/s.

Më Shumë

Sokol Halili, i dyshuari për vrasjen e gruas shtatzënë ka vrarë veten

Ministri i Punëve të Brendshme, Xhelal Sveçla ka bërë të ditur se pas një pune intensive të të gjitha njësiteve të Policisë së Kosovës...

Agim Ademi për vdekjen e 17-vjeçarit: Djalosh shembullor dardan, do ta kujtojmë përherë

Kryetari i Federatës së Futbollit të Kosovës, Agim Ademi, ka reaguar pas vdekjes së futbollistit 17-vjeçar, Erion Kajtazi. Ademi thotë se është thellësisht i tronditur...

Lajmet e Fundit