Organizata Joqeveritare “ Profesionistët e Lirë për Kosovën” kanë nënshkruar memorandum bashkëpunimi me Odën Tregtare Afrikë – Ballkan.
Kryetari i OJQ-së “ Profesionistët e Lirë për Kosovën”, Sherif Krasniqi, tha se arritja e këtij bashkëpunimi është një ngjaje historike.
“Ky memorandum përfaqëson angazhimin tonë për të përparuar në fushat e interesit të përbashkët dhe të ndikimit pozitiv në nivel ndërkombëtar,” tha Krasniqi.
“Përpjekjet tona do të jenë të fokusuara në forcimin e bashkëpunimit dhe në përmirësimin e zhvillimit të projekteve të përbashkëta që do të kontribuojnë në rritjen e potencialit tonë të ndikimit në këto fusha të rëndësishme”.
Nga ana tjetër Emanuel Assako, kryetar i Odës Tregtare Afrikë- Ballkan, tha se nënshkrimi i këtij memorandumi të mirëkuptimit është një hap i rëndësishëm drejt krijimit të partneriteteve më të forta dhe më të qëndrueshme ndërkombëtare.
“Ne jemi të përkushtuar për të siguruar një bashkëpunim të suksesshëm dhe inovativ, duke promovuar zhvillimin dhe rritjen e kapaciteteve të ndërlidhura të partnerëve tanë”, tha ai.
“Nënshkrimi i këtij memorandumi të bashkëpunimit shënon fillimin e një kapitulli të ri ndërmjet këtyre dy organizatave të rëndësishme, duke krijuar mundësi të reja për inovacion, zhvillim dhe promovim të veprimtarive të përbashkëta në të ardhmen”, u shpreh ai. /PrizrenPress.com/