Prej formimit të saj, qeveria e Isa Mustafës është treguar pasive duke mos dërguar as pesë projektligje në kuvend, gati tre muaj pas formimit të saj, raporton KTV.
Ndonëse ka hyrë në muajin e tretë të funksionimit, qeverisja e Isa Mustafës është treguar pa energji dhe pasive, thotë opozita.
Deputetja e VV-së Albulena Haxhiu thotë se pasi qeveria po tregon këtë pasivitet është i domosdoshëm fuqizimi i kuvendit, përcjell koha.net. Për të arritur këtë sipas saj, deputetët duhet të aktivizohen, duke thirrur interpelanca dhe ngritur pyetje parlamentare.
E AAK-ja e akuzon qeverinë se po merret vetëm me demagogji dhe se ka harruar t’i trajtojë problemet reale. Donika Kadaj-Bujupi thotë se Isa Mustafa po mjaftohet vetëm me deklarata neper rrjete sociale e të cilat sipas saj në të shumtën e rasteve janë arrogante në raport me qytetarin.