Besnik Osmani, sekretar në Ministrinë e Administrimit të Pushtetit Lokal, tha se rekomandimi i parë është që Muja ka të drejtë të vazhdojë mandatin në plotni me ligjin.
“Ne kemi konstatuar se z. Muja ka të drejtë legale përkundër vendimit në shkallën e parë që të vazhdojë mandatin e tij të kryetarit, pasiqë një kryetar nuk mund të jetë në atë pozitë vetëm pas një vendimi të plotëfuqishëm”, ka thënë ai në emisionin “Interaktiv”.
“Mungesa në punë nuk konsiderohet e paligjshme por e pa arsyeshme. Mungesat e pa arsyeshme për një kohë më të gjatë mund të kenë pasoja, por me vet faktin se z.Muja si kryetar i komunës ka kërkuar mendimin ligjor për veprimin e tij”, ka thënë ai.
“Është vështirë të kemi definim të qartë se çka është mungesë e pa arsyeshme”, ka thënë ai, duke shtuar se “në Kosovë deri tani nuk kemi pasur raste të tilla”.
Ai ka thënë se kur të jetë vendimi final i gjykatës, ai ka thënë se MAPL, si në të gjitha rastet do të japë mendimin e vet.