Partia Demokratike e Kosovës (PDK) në Prizren ka reaguar ndaj situatës në Universitetin e Prizrenit “Ukshin Hoti”, duke theksuar se ky institucion është i ndikuar dhe nën kontrollin absolut të pushtetit.
“Në vazhdën e kapjes së institucioneve të pavarura në gjithë Kosovën nga pushteti aktual, sot, u konfirmua se edhe Universiteti i Prizrenit ‘Ukshin Hoti’ është i ndikuar dhe nën kontrollin absolut të pushtetit. Ashtu siç pritej nga zgjedhjet e fundit, faqja zyrtare e universitetit tashmë përdoret për propagandë dhe reklamë të aktiviteteve të pushtetit,” thuhet në reagimin e PDK-së.
Sipas PDK-së, “nënshtrimi i këtij institucioni të rëndësishëm akademik ndaj pushtetit dëmton rëndë imazhin e institucionit, si dhe studentët, profesorët dhe stafin profesional të institucionit, të cilëve po u bëhet presion indirekt për ngjyrosje politike.”
“Universiteti i Prizrenit ‘Ukshin Hoti’ duhet t’i shërbej studentëve për edukim dhe jo partisë në pushtet për propagandë politike,” përfundon reagimi i PDK-së./PrizrenPress.com/
Marketing
Përjetoni pushime të paharruar dhe dasma magjike në Hotel “Albes Residence”
https://prizrenpress.com/eli-edona-mobilieria-me-oferta-me-te-mira-ne-prizren/
