Astrit Ahmeti
Përdorimi drogave është në mesin e shumë dukurive negative në shoqërinë tonë, është një sfidë që po e sfidon gjithnjë e më shumë shoqërinë tonë e në veqanti rininë si pjesa më e rendësishme e saj.
Kjo dukuri në Kosovë ka filluar të përdoret në masë të madhe pas përfundimit të luftës së fundit në Kosovë, me fillimin e tranzicionit të stërgjatur, me instalimin e lirisë së njerzve dhe të kapitalit pra me hapjen e kufijve, me ç’rast hyrja në Kosovë e njërzve dhe e kapitalit ishte shumë e lehtë, duke marrë parasysh mos kontrollin efikas të kufijve territorial të Kosovës.
Në Kosovë ende nuk ka një numër të saktë të atyre që konsumojnë drogë dhe problemi kryesor këtu qëndron që shumica e përdoruesve të drogës nuk lajmërohen në qëndrat e trajtimit dhe rehabilitimit.
Sipas statistikave të policisë së Kosovës grupmosha që më së shumti atakohet nga kjo dukuri është ajo 15-35 vjeçare, kjo është alarmante kur dihet që rinia ka qenë dhe është baza e shoqërisë, shtytëse e shumë proceseve shoqërore e politike, nga ajo varet ardhmëria e shoqërisë dhe shtetit.
Në shoqërinë tonë ende mungon një qasje serioze për trajtimin e kësaj dukurie, ku ne si shoqëri civile dhe institucionet shtetërore duhet të bëjmë shumë më shumë në reduktimin e numrit të përdoruesve të substancave narkotike.
Deri më tani me trajtimin e këtyre rasteve është duke u marrë Ministria e shendetësisë në kuadër të Klinikës Neuropsikiatrike por efikasiteti dhe rezulati konkret pozitiv mungojnë.
Strategjia e Ministrisë së shendetësisë e hartuar kundër përdorimit të drogave nuk po sjell rezultate pozitive ndersa numri i përdoruesve po rritet gjithnjë e më shumë.
Rol të rendësishëm në këtë aspekt është duke luajtur organizata jo-qeveritare “Labyrinth”, një qënder e trajtimit të rasteve të konsumimit të lëndeve narkotike, të cilës për të pasur me shumë efikasitet i duhet shumë më shumë përkrahje financiare nga Qeveria e Kosovës.
Një fakt tjetër mjaft shqetësues është përdorimi i drogave në Shkollat e Kosovës nga nxënësit, ku numrin më të madh të përdoruesve e gjejmë në Prishtinë.
Përdorimi i drogave nuk është vetëm problem invidual por dhe shoqëror sepse pasojat janë shumë më të mëdha sese individuale, duke filluar nga dhuna në familje, divorci, kriminaliteti, kontrabanda etj.
Prandaj për të pasur rezultate konkrete në reduktimin e numrit të përdoruesve duhet medoemos të këtë kontroll më të fortë kufitar pasiqë shteti ynë llogaritet si vend tranzit i drogave dhe kjo tani është bërë edhe biznis mes kontrabandistëve, fuksionalizimi i gjyqësorit, duhet të këtë denime dhe gjoba më të mëdha për abuzuesit e drigave, rol të rëndësishëm do të luante instalimi i psikologëve dhe sociologëve në Shkollat e Kosovës, të këtë më shumë fushata sensibilizuese për të rinjët, me shumë emisione edukuese në mediat tona, të rritet bashkëpunimi nxënës- prindër- mesimdhënës , inspektimi i rregullt i vendeve të dyshimta të konsumimit të drogave dhe ndriqimi i tyre me reflektorë dhe në fund të krijohet një fond i veçantë për ti ndihmuar financiarisht për njerëzit që kanë arritur të largohen nga përdorimi i drogave e të cilët janë të ndarë nga familjet e tyre etj.
Të gjitha këto do të arrihen me një mobilizim të institucioneve dhe shoqërisë civile për të ardhë deri tek krijimi i një shoqërie me numër minimal të përdoruesve të drogave.