Poeti , Abdullah Thaçi është përkujtuar në një vjetorin e vdekjes.
Krijuesit kanë vlerësuar lartë krijimtarinë e Thaçit.
Shkrimtari nga Shqipëria, Petrit Palushi, tha se krijimtaria letrare pësoi një humbje të madhe me vdekjen e Abdullah Thaçit.
“Përkundër kësaj, poeti i ndjerë me krijimtarinë e tij mbetet ndër shkrimtarët tanë më të respektuar të letërsisë shqipe për fëmijë”, tha Palushi.
Drejtoresha e Bibliotekës, Sahadete Sadikaj- Kukaj, tha ndërkaq se, poeti Thaçi, ka dhënë një kontribut të rëndësishëm edhe në këtë institucion.
“Gjurmët e tij janë kudo mes nesh”, tha ajo,transmeton TVPZ.
Poeti Abdullah Thaçi, ishte mjaft produktiv në letrat shqipe, e në veçanti në letërsinë për fëmijë.
U lind në fshatin Novosellë të Pejës më 1942, kurse vdiq vitin e kaluar.Shkollimin fillorë e ka mbaruar në vendlindje, të mesmen në Pejë, ndërsa Fakultetin e shkencave të natyrës, dega e Kimisë, në Universitetin e Prishtinës.
Në kohë të gjatë, punon si profesor në Gjimnazin e Prizrenit. Disa nga veprat e tija, janë; “Lumi i dritës”, 1980, “Treni i bardhë”, 1982, “Duke pritur ylberin”, 1983, “Piknik poetik”, 1986, “Anës Drinit”, 1989, “Ani, Kosovë, ani”, 1994, etj/PrizrenPress.com/