Përfaqësues të institucioneve lokale dhe qendrore në mesin e të cilëve edhe kryeminsitri, Hashim Thaçi, ata të shoqatave të dala nga lufta dhe familjarë të dëshmorëve janë bërë bashkë sot në fshatin Jeshkovë të Prizrenit për të përkujtuar betejen e Vërrinit në të cilën pesmbëdhjetë vjet më parë kanë rënë 27 dëshmorë dhe 42 martirë.
Kryeministri i Kosovës Hashim Thaçi, tha se Jeshkova është vendi më i shejtë në të cilin ishte vendosur shtabi i brigadës 125 të ZOP-it, transmeton RTK.
Ai siguroi qytetarët se nuk do të ketë ndalesë e as kthesë prapa duke përmendur në këtë kontest lëvizjen e lirë dhe integrimin në strukturat euroatlantike.
Ndërkaq kryetari i Komunës së Prizreit, Ramadan Muja tha se dëshmorët e kombit ishin bijtë e popullit feniks i cili edhe pse u rrezikua me qindra herë nuk u zhduk.
Ndërkaq në betejën e Vërrinin e cila u zhvillua nga 1-5 shtator të vitit 1998 ranë 27 dëshmorë dhe 42 martirë.