Në Universitetin “Ukshin Hoti” në Prizren, të premten, është mbajtur Konferenca përmbyllëse e Projektit të TEMPUS-sit, për themelimin e programit për studime Master në Trashëgimi Kulturore dhe Menaxhim të Turizmit, projekti i përgatitur nga organizata arsimore “WUS Kosova” dhe i mbështetur nga Komisioni Evropian.
Të gjithë partnerët e kanë konsideruar si të suksesshëm realizimin e këtij projekti, ku gjenerata e parë është në përfutdim e sipër të studimeve ndërsa gjenerata e dytë sivjet vazhdojnë në vitin e dytë të studimeve Master.
Rektori i Universitetit “Ukshin Hoti”, Prof. Dr. Ramë Vataj e vlerësoi si mjaft të suksesshëm këtë projekt, duke i falënderuar për bashkëpunim të gjithë partnerët vendor, rajonal dhe ndërkombëtar.
Ai theksoi se ky program studimor i nivelit Master do të vazhdoj së funksionuari edhe në vitet në vijim.
Sara Santori, grant mbajtëse e këtij projekti nga Universiteti i Bolonjës, ka theksuar se ka qenë e nderuar që të bashkëpunoj me të gjithë ata që kanë marr pjesë në realizimin e këtij projekti shumë të suksesshëm.
Bud Dedaj, nga organizata arsimore “wUS Kosova” theksoi sfidat dhe vështirësitë që kanë pas gjatë emplemetimit të këtij projekti, i cili megjithatë është treguar i suksesshëm. Ai po ashtu falënderoi të gjithë bashkëpunëtorët për kontributin e dhënë në këtë projekt, duke theksuar se edhe në të ardhmen të bashkëpunojnë për realizimin e projekteve të caktuara.
Behxhet Brajshori, Menaxher i këtij projekti gjithashtu theksoi se themelimi i këtij programi Mastar ka qenë mjaft i qëlluar dhe është treguar i suksesshëm në UPZ duke falënderuar të gjithë partnerët për bashkëpunim korrekt.
Projekti është realizuar me sukses në bashkëpunim me Universitetin e Bolonjës, dhe Universitetin ‘Keti Peskara’ nga Italia dhe partnerët tjerë, si Universiteti i Durrësit, Instituti i Monumenteve Kulturore të Tiranës, Universiteti i Shkodrës, si dhe partnerët ndërkombëtarë: Instituti Katalia nga Spanja, Qendra Hulumtuese nga Varshava, një rrjet i instituteve për trashëgimi kulturore dhe hulumtime nga Napoli i Italisë, si dhe Universiteti Telematika nga Italia. /PrizrenPress.com/