Në fshatin Billushë sot u bë përurimi i aneksit të ri shkollor dhe të renovimit të objektit ekzistues të shkollës “Dëshmorët e Vërrinit”.
Në këtë përurim të pranishëm ishin kryetari i Komunës së Prizrenit, Mytaher Haskuka, drejtoresha e Drejtorisë Komunale të Arsimit, Xhemile Thaçi Vezgishi si dhe stafi dhe nxënësit e kësaj shkolle.
Ky aneks ka një sipërfaqe prej rreth 1900 metra katrorësh dhe përmban 4 klasa mësimi, 2 laboratore, sallën e arsimtarëve, nyjet sanitare për nxënësit dhe hapësirat e ndryshme shkollore.
Së shpejti, Komuna e Prizrenit, përkatësisht DKA-ja do të realizojë edhe inventrazimin e klasave, laboratorëve dhe hapësirave tjera të kësaj shkolle, me ç’rast për nxënësit e kësaj shkolle do të ofrohet një ambient bashkëkohor dhe cilësor të mësimit.