Sot është përuruar zyrtarisht qendra për qëndrimin ditor të pensionistëve në fshatin Mushtisht të Suharekës.
Ky investim i rëndësishëm është mundësuar edhe falë bujarisë së Ismet Shala, një donator i njohur dhe përkrahës i fortë i nismave sociale.
Kryetari i Komunës së Suharekës, Bali Muharremaj, shprehu mirënjohjen e tij të thellë për kontribuesin e Ismet Shala.
“Jam i lumtur që po jetojmë një moment ku dikush kujdeset për pensionistët dhe i jep atyre mundësinë për të kaluar kohë cilësore dhe të sigurt,” tha Muharremaj.
Ai gjithashtu theksoi angazhimin e komunës për të vazhduar investimet në këtë fshat dhe për të përmirësuar kushtet e jetesës për të gjithë banorët.
“Në Mushtisht do të kemi edhe investime të tjera që do të ndihmojnë në zhvillimin e këtij komuniteti dhe përmirësimin e jetës së përditshme,” premtoi Muharremaj./PrizrenPress.com/
Marketing
