Policia në Prizren ka realizuar një aktivitet sensibilizues me rastin e Ditës Ndërkombëtare të Fëmijëve. Në Sheshin e Lidhjes, zyrtarët policorë kanë zhvilluar aktivitete për të rritur ndërgjegjësimin tek fëmijët dhe qytetarët.
Mbikëqyrësi i njësisë së trafikut, Nuredin Begolli, tha se në kuadër të aktiviteteve të ndryshme që organizon policia, sot po shpërndajnë fletëpalosje dhe po ekspozojnë disa nga pajisjet e tyre për t’i njohur fëmijët dhe qytetarët me punën e policisë.
Ai theksoi se aktiviteti i sotëm është i dedikuar fëmijëve për Ditën Ndërkombëtare të Fëmijëve, por gjithashtu inkurajon edhe të rriturit që të bashkëpunojnë me organet e rendit.
Në këtë aktivitet morën pjesë njësia patrulluese dhe ajo e biçiklistëve të Drejtorisë Rajonale të Policisë në Prizren, të cilët shpërndanë fletëpalosje vetëdijësuese për shumë fëmijë dhe qytetarë/TV Prizreni
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit