Qyteti Amasya i Turqisë, i cili ngjan me qytetin e Beratit dhe qytetin e Prizrenit përmes binjakëzimit do të lidh trekëndëshin e bashkëpunimit Amasya-Berat-Prizren.
Amasya është binjakëzuar me qytetin e Beratit, ndërsa pritet që këtë të enjte Kuvendi Komunal i Prizrenit të votojë për binjakëzimin e Prizrenit me qytetin Amasya të Republikës së Turqisë.
Rekomandimi për binjakëzim, Kuvendit Komunal të Prizrenit i dërgohet nga Komiteti për Politikë dhe Financa, i cili në mbledhjen e së martës votoi unanimisht që të bëhet binjakëzimi i Prizrenit më këtë qytet të Republikës së Turqisë.
Kujtim Gashi, kryesuesi i Kuvendit Komunal pas mbledhjes së Komitetit për Politikë dhe Financa tha se “bashkëpunimi ose binjakëzimi i Prizrenit me qytetin Amasya vjen pasi ky qytet është binjakëzuar me qytetin e Beratit.
“Do të jetë një trekëndësh i bashkëpunimit mes këtyre qyteteve” tha Gashi./Gazetaere.com/