Shpenzimet e Komunës së Prizrenit nga kategoria e mallrave dhe shërbimeve, në nëntëmujorin e këtij viti, sërish janë kritikuar nga opozita, e cila ka vazhduar që ta konsideroj “Qeverinë Muja” si ithtarë të luksit të tepruar, shkruan Koha Ditore.
Sipas përfaqësuesve të opozitës Ekzekutivi i Prizrenit ka vazhduar trendin e harxhimeve të larta në drekat zyrtare, telefoni, por edhe në veshmbathje dhe shërbime të kontraktuara.
Anëtarja e Kuvendit Komunal nga radhët e “Vetëvendosjes”, Drita Millaku ka bërë të ditur se qeveria lokale në nëntë muajt e parë ka shpenzuar mbi 80 mijë euro për drekat zyrtare dhe afër 17 mijë euro për drekat jo-zyrtare.