Policia e Kosovës ka njoftuar se gjatë bastisjes në dy parcela të ndryshme në Rahovec, ka gjetur edhe konfiskuar pesë bimë të dyshuara kanabis sativa të mbjellura në vazo të luleve.
Lidhur me rastin, Policia ka arrestuar dy të dyshuar.
“Rr. 8-Dëshmorët e Pashtrikut, Rahovec 15.06.2023 – 04:30. Janë arrestuar dy të dyshuar meshkuj kosovarë pasi që gjatë bastisjes në dy parcela të ndryshme, pronë e të dyshuarve janë gjetur dhe konfiskuar pesë (5) bimë të dyshuara kanabis sativa të mbjella në vazo të luleve. Në konsultim me prokurorin, njëri nga të dyshuarit është liruar, ndërsa tjetri është dërguar në mbajtje”, njofton policia.