17.8 C
Prizren
E hënë, 27 Maj, 2024

Reshitaj: Forumi “Transparenca” ka për qëllim të rrisë transparencën e institucioneve në Prizren

Refki Reshitaj, gazetarAnëtari i Forumit “Transparenca”, Refki Reshitaj, e ka vlerësuar pozitive fillimin e debatëve të këtij forumi. Ai tha se ky forum ka për synim të rrisë transparencën e institucioneve në Prizren.

“ Forumi ‘Transparenca’ përbëhet prej aktivistëve të shoqërisë civile, gazetarëve dhe mediave. Platforma e përbashkët synon që të koordinojë dhe promovojë veprimet e aktivistëve të shoqërisë civile dhe gazetarëve që janë aktiv në fushën e qeverisjes demokratike, të rrisë vizibilitetin e punës së shoqërisë civile përmes prezencës së shtuar në mediat lokale dhe qendrore, pastaj të ngre aftësinë avokuese të shoqërisë civile për qeverisje më transparente dhe llogaridhënëse në Prizren, si dhe të ngre pjesëmarrjen e qytetarëve në vendimmarrje dhe të sigurojë që kërkesat e tyre merren parasysh”, tha Reshitaj.

Ai tha se debati i organizuar me drejtorin e Drejtorisë së Arsimit në Prizren, ka nxjerrë në pah disa probleme në këtë sektor, që deri më tash nuk kanë qenë të njohur.

“Në këtë debat kanë dalë në pah disa probleme që gazetarët tashmë mund t’i hulomtojnë”, tha Reshitaj për TVO .

Pas procesit të konsultimeve ndërmjet pjesëtarëve të shoqërisë civile dhe përfaqësuesve të medieve, që ka zgjatur për disa muaj dhe në përpjekje të gjetjes së formave për rritjen e transparencës institucionale, në muajin mars në Prizren është themeluar Platforma e përbashkët e veprimit të aktivistëve të shoqërisë civile dhe medias, e titulluar në mënyrë simbolike “Forumi Transparenca”.

Reshitaj tregoi se Forumi “Transparenca” do të organozojë çdo muaj nga një debat.

“Në këto debate do të trajtohen probleme të ndryshme”, tha Reshitaj.
Komuna e Prizrenit, sipas tij, duhet t’i bëjë transparente të gjitha vendimet. “Çdo vendim duhet të bëhet transparent”. /PrizrenPress.com/

 

Më Shumë

Rizvanolli: 101,41 milionë euro është fitimi në ndërmarrjet publike gjatë vitit 2022

Ministrja e Ekonomisë, Artane Rizvanolli, ka njoftuar se 101,41 milionë euro është fitimi në ndërmarrjet publike qendrore të Kosovës në vitin 2022. Rizvanolli ka thënë...

138 vite pa Viktor Hygon, shkrimtari francez që pasurinë e tij e la amanet për të varfërit

138 vite më parë, më 22 maj 1885 ndali trokun e vet të drobitur nga vitet dhe dhimbjet, zemra 83-vjeçare, e Viktor Hygoit, babait...

Lajmet e Fundit