Deri më sot nga Pakoja Emergjente, respektivisht pagesa prej 170 euro për punëtorët e sektorit privat kanë aplikuar mbi 37.000 ndërmarrje dhe totali i punëtorëve të përfshirë në këtë masë është 133.000 persona.
Qeveria ka marrë vendim që të mbulojë me një shumë prej 170 euro punëtorët e sektorit privat, për muajin prill dhe maj.
Zëdhënësi për media në Ministrinë e Financave dhe Transfereve, Muharrem Shahini ka bërë me dije për gazetën “Epoka e re” se është duke punuar për pagesën e parë dhe në momentin e përfundimit të tyre do të vazhdohet me pagesën për muajin e dytë.
“Aktualisht është duke u punuar për kërkesat e para dhe në momentin e përfundimit të tyre, do të vazhdohet me pagesat për muajin e dytë”, ka thënë Shahini.
Ai ka thënë se bizneset nuk kanë nevojë që të aplikojnë sërish për këtë pako, pra për pagesën për muajin e dytë pasi të dhënat mbesin në sistem.
“Jo nuk ka nevojë që të aplikojnë për muajin e dytë”, është shprehur Shahini.
/Epoka e re)