Kryetari i Lidhjes Demokratike të Kosovës (LDK) në Prizren, Driton Selmanaj, ka bërë thirrje te të gjithë anëtarët e partisë që të bashkohen për të nxjerrë LDK-në fituese në Kosovë.
“Sot, e kemi për detyrë që të jemi bashkë, të hapemi, të zgjerohemi dhe të jemi unik rreth sfidave dhe fitoreve të mëdha të LDK-së, për Kosovën dhe Prizrenin.”
LDK-ja në Prizren ka shënuar përvjetorin e 34-të të degës së LDK-së në këtë qytet. Për të festuar themelimin e Lidhjes Demokratike të Kosovës në Prizren, u organizua një ngjarje ku morën pjesë veprimtarë, aktivistë, veteranë dhe njerëz që kanë dhënë shumë për të mbajtur gjallë LDK-në dhe për të ndjekur interesat kombëtare të popullit të Kosovës.
Selmanaj thekson se edhe pas 34 vjetëve, ata vazhdojnë të jenë të fortë duke punuar me të njëjtin mision për Kosovën dhe Prizrenin.
“Shtrirja e LDK-së në çdo familje, në qytet dhe fshat është detyrë e jona. Ne ofrojmë platformën më të mirë për qytetarët tanë, prandaj rritja dhe fitorja jonë është e pashmangshme. Lidhja Demokratike e Kosovës u themelua nga Presidenti Historik Ibrahim Rugova, dhe synimi kryesor ishte krijimi i shtetit tonë, Republikës së Kosovës,” përfundon Selmanaj/PrizrenPress.com/
