Drejtori i Policisë së Kosovës në Prizren, Nexhmi Krasniqi, ka treguar sot se gjatë vitit 2014, në këtë komunë, ka pasur rënie të krimit në 6 për qind.
“Vitin 2014 po e përmbyllim me suksese të theksuara,sepse kemi përmbushur objektivat tona sidomos në uljen e përqindjes së krimit për 6 % në krahasim me vitin paraprak”, tha Krasniqi në takimin e fundit me gazetarë.
“Kemi arritur që edhe siguria në trafik të pësojë ngritje për 26 %”, tregoi ai.
Për punë efikase të Policisë për vitin që po e lëmë pas, fjalë të mira kanë pasur edhe kryetari i Prizrenit,Ramadan Muja, u. d i kryeprokurorit të Shtetit, Sylë Hoxha dhe kryetari i Gjykatës Themelore në Prizren, Ymer Hoxha.
Ata premtuan mbështetje për bashkëpunim ndërinstitucional edhe në të ardhmen në krijimin e kushteve edhe më të favorshme për sigurinë e qytetarëve. /TVPZ/