Ish-kryetari i Gjykatës Ushtarake të Ushtrisë Çlirimtare të Kosovës, Sokol Dobruna, ka deklaruar se themelimi i Gjykatës Speciale është mohim i shtetit të Kosovës.
Sipas tij, kjo është shkelje e Kushtetutës dhe është edhe moralisht e palejuar.
“Asnjë shtet në botë nuk do të kishte lejuar të formohet një gjyq ndërkombëtar”, ka thënë ai gjatë emisioni “Info Magazine” në Klan Kosova.
Dobruna, i cili është 75 vjeçar, më tej ka folur edhe për rolin e Gjykatës Ushtarake të UÇK-së.
Ai po ashtu nuk ka lënë pa përmendur edhe dënimin e Blerim Kuçit.
“Paraprakisht dua të ju tregoj se në Gjykatën Ushtarake kemi pas Kodin Penale të Luftës, dhe Kodin e Ekzekutimeve penale. Unë personalisht e kam dënuar njeriun me pushkatim, Blerim Kuçin. Bile, unë e kam thirr prindin me pa për herë të fundit. Edhe baba edhe nëna kanë qenë”, ka thënë ai, duke shtuar se i është referuar ligjeve të ish-Jugosllavisë.