24.5 C
Prizren
E hënë, 21 Prill, 2025

Specialja nuk zbaton vendimin për telefonata, mbrojtja ankohet se Thaçi, Veseli e Selimi s’folën me familje që nga e diela

Ish-krerët e UÇK-së, Hashim Thaçi, Kadri Veseli e Rexhep Selimi, nuk kanë komunikuar fare me familjarët e tyre, që nga e diela, pavarësisht vendimit të ri të Speciales ku përsëri u lejohen atyre bisedat telefonike.

Lidhur me këtë fakt, njëzëri është ankuar mbrojtja e tyre, për të cilën pikë shfaqën pakënaqësi gjatë seancës së sotme, transmeton klankosova.tv.

“Eli –Edona”, mobilieria me oferta më të mira në Prizren

Ky shqetësim fillimisht u ngrit nga avokati i Rexhep Selimit, Geoffrey Roberts, duke iu referuar vendimit për kushtet e paraburgimit.

Por, ndonëse ka një të tillë, ku lejohet të paktën përmes telefonit, komunikimi me familjarët e tyre, mbrojtja e Hashim Thaçit dhe e Kadri Veselit, u ankuan tek trupi gjykues, se kërkesat e tyre janë duke u refuzuar.

”Janë bërë disa kërkesa për telefonata me anëtarët e familjes dhe janë refuzuar momentalisht. Pra, deri tani nuk janë lejuar telefonatat me familjen qofshin edhe të monitoruara”, u shpreh haptazi Ben Emmerson, avokat i Kadri Veselit.

Teksa qe po mbrojtja e Hashim Thaçit përmes avokatit Gregory Keohe, ai që pohoi para të pranishmëve se as klientit të tij nuk po i lejohen telefonatat.

”Kam dhe unë nevojë të mbështesë atë që tha z.Emmerson. Sa i takon klientit tim, nuk janë lejuar telefonatat”.

Ankesa e mbrojtjes pati edhe një përgjigjie nga kryetari i trupit gjykues, Charles Smith III, duke lënë hapësirë që në këtë pikë refuzimi, mund të kishte keqkuptime.

”Në rregull e kuptoj, mbase ka pasur ndonjë keqkuptim dhe unë i kërkoj ndjesë për këtë dhe unë do ta trajtoj këtë aspekt gjatë ditës së sotme”, u shpreh ai.

Asociation “Loyola-Gymnasium” shpall konkurs për një mësimdhënës/e të lëndës së matematikës

Situata u ngrit në diskutim nga mbrojtja e Selimit, me kërkesën që të jepen informacione se kur pritet të zbatohet vendimi.

”E vërejmë që kolegu ynë Keohe ka ngritur një çështje sa i përket kushteve të paraburgimit i cili ende nuk është zbatuar. A mund të na thotë diçka Zyra Administrative kur do të zbatohet ky vendim dhe çfarë problematikash ka pasur për ta zbatuar këtë vendim?”, pyeste, Geoffrey Roberts.

Megjithatë vet, kryetari i trupit gjykues, Charles Smith III, tha se janë takuar me Zyrën Administrative dhe po bëjnë të pamundurën që të zbatohet vendimi.

”Takuam dje Zyrën Administrative, po bëjnë të pamundurën për ta zbatuar këtë urdhër. Sa i takon telefonatave në familje ato do të monitorohen deri sa të dal një urdhër i ri”.

Por avokati i Rexhep Selimit, tha klienti i tij dhe ish-krerët tjerë që po gjykohen, telefonatën e fundit e realizuan tek të dielën.

”E kuptoj, por ama nuk kanë folur që të dielën. Të dielën ka qenë telefonata e fundit”, tha Roberts, shqetësim të cilit iu bashkuan edhe mbrojtja e Thaçit dhe e Veselit po ashtu.

Por, Specialja duket qartë të mos e ketë marrë seriozisht vendimin e ri, e as kërkesat e tyre për komunikim me telefonë.

Kjo meqë para se të reagonin avokatët Keohe dhe Emmerson, kryetari i trupit gjykues, Charles Smith III tha se ata duhet të bëjnë sërish një kërkesë në mënyrë që t’ju lejohen telefonatat.

”Pyeta dje, dhe administratorja me tha thjeshtë duhet të bëjnë një kërkesë dhe do ta leojojnë”.

Ndërsa, për pjesën tjetër të vendimit, pritet që të nis zbatimi i realizimit të tij para pushimit të Krishtlindjeve. Përgjigjie kjo që pasoi po ashtu pas kërkesës së mbrojtjes së ish-krerëve të UÇK-së.

Banesa në shitje nga Renelual Tahiri  

Më Shumë

Puthje pasionante në dhomën e gjumit: Gjesti dhe Egli krijojnë momente të nxehta

Një moment i papritur ka ndodhur në shtëpinë e Big Brother VIP Albania 4. Dyshja e njohur, Gjesti dhe Egli, janë kapur duke shkëmbyer puthje...

Mot me diell dhe vranësira të shpërndara – temperaturat nga 5 deri në 20 gradë Celsius

Sot mbi vendin tonë do të mbajë mot me diell dhe vranësira te shpërndara. Sipas parashikimit të Institutit Hidrometeorologjik të Kosovës, temperatura minimale do të...

Lajmet e Fundit