Kryesuesi i Kuvendit të Prizrenit, Artan Abrashi ka caktuar për të enjten vazhdimin e seancës së Kuvendit.
“Mbledhja e rregullt e VII (shtatë) për vitin 2019 e Kuvendit Komunal të Prizrenit, e cila ishte thirrur për datën 25.09.2019 dhe në mungesë të kuorumit ishte shtyrë për një datë tjetër, do të vazhdojë të mbahet të enjten më 10.10.2019 në ora 10:00”, njofton KK në Prizren.
Mbledhja do të mbahet në sallën e mbledhjeve të Kuvendit Komunal tek Shtëpia e Bardhë me pikat e mbetura të rendit të ditës.
Në këtë seancë pritet të shqyrtohet dhe miratohet propozim-buxheti për vitin 2020 dhe parashikimi i buxhetit për vitin 2021-2022.
Dy javë më parë seanca pati dështuar pas bojkotimit të partive opozitare./PrizrenPress.com/