Presidenti i Kosovës, Hashim Thaçi ka njoftuar ditë më parë se sot do të drekojë me kryeministrin e Shqipërisë, Edi Rama në Prizren.
Kreu i shtetit këtë e bëri të ditur në punimet e Seminarit të 93-të Rose-Roth të Asamblesë Parlamentare të NATO-s, në Prishtinë që u mbajt për tri ditë radhazi në Prishtinë.
Atje, Thaçi tha se bashkëpunimi me Shqipërinë, duhet t’i gëzojë të gjithë.
“Me Shqipërinë kemi raporte të shkëlqyera të bashkëpunimit institucional, para dy ditësh jam takuar me kryeministrin Rama, pasnesër do të kemi drekë me kryeministrin Rama në Prizren”
“Po ky bashkëpunim i yni duhet t’i gëzojë, sepse është bashkëpunim i standardeve dhe vlerave euroatlantike dhe në asnjë mënyrë nuk duhet shikuar me dyshim. Ne nuk e kemi asnjë aspiratë as si Kosovë, as si Shqipëri ndryshimin e kufijve përkundrazi hapjen e kufijve sipas standardeve evropiane “, tha ai.