23.8 C
Prizren
E martë, 16 Gusht, 2022

Do t’i arrestoj manipuluesit

ShpendMaxhuni-policiakosovesNesër Kosova voton. Nga premtimet ngjajshme të partive politike që i japin sa herë që dalin në fushatë parazgjedhore, këto zgjedhje dallojnë për një gjë. Do të mbahen edhe në pjesën veriore, do gjatë fushatës janë hedhur bomba, janë rrahur e kërcënuar kandidatë, është shtënë më armë zjarri… Pra, aty ku pritet të ketë probleme.

Edhe përkundër kësaj, Policia e Kosovës, është e gatshme për të siguruar qytetarët e Kosovës të përmbushin obligimin e tyre kushtetues, të dalin të votojnë të papenguar. PK ka edhe ndihmën e EULEX në pjesën veriore, ndërsa të gjithë ata që do të tentojnë që të manipulojnë procesin në një mënyrë ose tjetër, porositin: “Do t’ju arrestojmë”. Shpend Maxhuni, drejtor i Policisë së Kosovës, flet për Indeksonline, për parapërgatitjet e PK për ditën e zgjedhjeve.

Indeksonline: Për herë të parë zgjedhjet mbahen edhe në pjesën veriore të Kosovës, dhe policia duket se do të ketë punë shtesë në krahasim me zgjedhjet e kaluara. Si kanë shkuar parapërgatitjet dhe sa jeni të gatshëm për ditën e zgjedhjeve dhe cilat masa janë ndërmarrë për të shkuar ajo ditë si ësthë më së miri?

Shpend Maxhuni: Ka më tepër se dy muaj që Policia e Kosovës në bashkëpunim edhe me institucione të tjera relevante që kanë përgjegjësi në organizimin e zgjedhjeve, menaxhimin e tyre, kanë filuar përgatitjet e nevojshme. Natyrisht që secili institucion sipas ligjit I ka edhe obligimet, detyrat dhe specifikat e veta. Nga ky këndvështrim Policia e Kosovës ka përgatitur urdhërin operation i shpërndarë tek të gjitha njësitë vartëse dhe parasheh një mori aktivitetesh dhe detyrash konkrete për secilën njësi vartës brenda policisë së Kosovës. E thatë, që këto zgjedhje dallojnë për nga karakteri, për vetë faktin që për herë të parë organizohen nga institucionet e Republikës së Kosovës edhe në pjesën veriore të vendit, dhe natyrisht me këtë fakt PK do të jetë më tepër e angazhuar, megjithëse urdhëri operativ parasheh të gjitha veprimet e nevojshme edhe për pjesën veropre, ku tashmë drejtoria rajonale e PK në pjesën veriore, ka përgatitur planin e vet për ndërmarrjen e të gjitha masave për menaxhimin nga aspekti i sigurisë i procesit zgjedhor.

Indeksonline: A do të ketë Policë në të gjitha vendvotimet, posaçërisht në pjesën veriore, aty ku pritet të shfaqen probleme?

Shpend Maxhuni: Pavarësisht nga retorika politike e cila mund të dëgjohet ditëve PK përmes planifikimeve të saja do të jetë prezent në të gjitha qendrat e votimit dhe do të ketë detyra konkrete, e ato janë, mbarëvajtja e procesit zgjedhor duke qenë prezent sipas planit të përgatitur tashmë, ku qytetarët do të kenë mundësi të dalin dhe të kryejnë obligim e tyre qytetar. Policia do të jetë prezete në të gjitha qendrat e votimit për të ofruar siguri procesit zgjedhor dhe të gjithë qytetarëve.

Indeksonline: Pra, që të gjithë policët do të punojnë 24 orë pa përjashtim?

Shpend Maxhuni: Plani ynë parasheh një periudhë të caktuar kohore, ne jemi në përfundim të fazës së tretë e cila ka mbuluar edhe fushatën zgjedhore, ndërsa faza tjetër do të jetë ajo e ditës së zgjedhjeve, ku ne kemi paraparë një numër të konsiderueshëm të zyrtarëve policorë që do të kenë angazhime shtesë, natyrisht, për shkak të rëndësisë dhe obligimeve që dalin për PK në ditën e zgjedhjeve. Pra do të kemi në vazhdimsi prezencë policore deri në përfundim të procesit zgjedhor më datën 3 dhe më pas veprimet tjera e parapara me planin operativ edhe me datën 4 e deri në përfundim të këtij procesi.

Indeksonline: Si do të reagojë policia nëse sheh manipulim me vota?

Shpend Maxhuni: Ne kemi bërë të njohur jo vetëm, që kemi arritë një marrëveshje të bashkpunimint me agjencionet e tjera, në rastin konkret me Prokurorinë e Shtetit dhe me Komisionin për Ankesa dhe Parashtresa, se si duhet vepruar nëse eventuliasht vërehen tendenca për manipulim zgjedhor të kujtdo qoftë. Përgjegjësitë janë të ndara, janë të qarta, po flas për PK, dhe çdo detyrë është e qartë për secilin zyrtar policor në ditën e zgjedhjeve, ku do të jenë prezent afër qendrave të votimit ashtu si parashihet edhe me plan. Ne kemi pasë një mori takimesh me prokurorinë e Shtetit, me Këshillin Qëndror Zgjedhor po ashtu i cili e menaxhon në tërësi procesin, dhe që të gjithë e kanë kuptuar rëndësinë e këtij procesi, dhe po ashtu shpresojmë që kësaj rradhe një koordinim I planifikuar mirë me kohë I të gjitha këtyre institucioneve, akterë kryesor në menaxhimin e këtij procesi, do të përmbushin obligimet e veta ashtu sikurse edhe ligji e parasheh.

Indeksonline: A do të arrestohen?

Shpend Maxhuni: Definitivisht po. PK, do të ndërmerr të gjitha veprimet e nevojshme ligjore, kurdohere që kërkohet dhe ku gjinden shkelës potencial të procesit zgjedhor.

Indeksonline: Bashkëpunimi me EULEX dhe KFOR për ditën e zgjedhjeve?

Shpend Maxhuni: E them me përgjegjësi që ne kemi një bashkpunim shumë të mirë, çdo herë, edhe me EULEX edhe me KFOR. Zakonisht PK, kur vlerëson, parasheh nevojën për angazhimin e EULEX, ne ato çdo herë I bëjmë në formën e përcaktuar të bashkëpunimit mes policisë së Kosovës dhe EULEX, qoftë mes takimeve , qoftë mes parashtrimit të kërkesave në formë të shkruar. Edhe për këtë kemi mbajtë rradhazi disa takime, ku kemi kërkuar angazhimin e EULEX kryesisht në pjesën veriore të vendin sepse në pjesën tjetër nuk ka nevojë për angazhimin e tyre në çështjet operacionale sepse PK ka të gjitha kapacitetet për të menaxhuar të tërë këtë process ashtu sikurse kërkohet. EULEX është i gatshëm, dhe ka bërë planifikimin e nevojshëm ta mbështesë PK varësisht nga rrjedhat apo situatat që mund të paraqiten në pjesën veriore.

Më Shumë

Tragjedia në Mal të Zi, humbën jetën 11 persona – MPB jep informacione të reja

Ministri i Punëve të Brendshme të Malit të Zi, Filip Axhiq tha se e gjithë udhëheqja e Drejtorisë së Policisë aktualisht ndodhet në Cetinje...

Çfarë shkruante Camaj për poezinë e Kadaresë më 1957, ironi apo vlerësim?

Nga Martin Camaj Cilido që ka jetue larg Shqipnis gjatë këtyne vjetve të fundit dhe befas ballafaqohet me botimet e reja letrare, mbetet i shtanguem...

Lajmet e Fundit