Klubi mitrovicas Trepça e ka fituar titullin e kampionit të Kosovës, pasi mposhti në finale Golden Eagle Yllin.
Me seri prej 3:2, mitrovicasit triumfuan në “Minatori” me rezultat 67:66 (10:16, 20:14, 7:11, 30:25).
Ndeshja ishte mjaftë e barabartë, me dy skuadrat që u treguan mjaftë të kujdesshme, mirëpo edhe humbën shumë raste.
Ylli e nisi më mirë duke e mbyllur me gjashtë pikë epërsi çerekun e parë (10:16). Pas kësaj, tifozët që e mbushën palestrën nisën t’i fishkëllenin basketbollistët, që u këndellen menjëherë.
Trepça e dominoi çerekun e dytë, duke e mbyllur me gjashtë pikë epërsi (20:14) për ta barazuar rezultatin në 30:30 në pjesën e parë.
Çereku i tretë që zakonisht është më i zjarrti, këtë herë nuk doli ku dy skuadrat së bashku shënuan 18 pikë, pra 7:11 në të mirë të suharekësve.
Megjithatë, në çerekun e fundit Trepça ishte e hatashme duke shënuar 30 pikë, e pësuar vetëm 25 për ta fituar titullin e pestë në histori, ndërsa i pari që nga viti 2012.
Lojtari më i mirë ishte padyshim Alonzo Verge Jr me 28 pikë të shënuara, katër topa të kthyer dhe tetë asistime, por statistika që rezultuan të jenë të pamjaftueshme për ta fituar titullin.
Ndërsa, te Trepça u dalluan Darnell Edge dhe Brandon Edwards me nga 15 pikë të shënuara.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
