Nëse Kosova do t’i thoshte jo miratimit të Gjykatës së veçantë për t’i hetuar pretendimet e Dick Marty-t, atëherë do të vihej në rrezik partneriteti i Kosovës me Shtetet e Bashkuara të Amerikës.
Kështu ka thënë në një intervistë për “Zërin”, zëvendëskryeministri i Kosovës, Hajredin Kuçi, i cili formimin e Tribunalit e sheh si sakrificën e fundit që është dashur ta bëjë Kosova për t’u pastruar nga akuzat e senatorit Marty.
Ai tha se kjo Gjykatë do të ishte bërë edhe pa Prishtinën zyrtare, siç është bërë Prokuroria Speciale, prandaj Kosova e ka kryer një detyrë që është dashur ta bëjë. Kuçi foli edhe për zhvillimet tjera politike, ndërsa themelimin e Forcave të Armatosura brenda kësaj legjislature e sheh të domosdoshme. Ai tha se nëse kjo nuk bëhet atëherë me ardhjen në Kuvend të listës “Srpska” gjërat do të ndryshojnë