14.9 C
Prizren
E premte, 11 Korrik, 2025

Tryezë për dënimin e Ramadan Mujës

Organizata Joqeveritare “Ec Ma Ndryshe” organizon tryezë me temën “Ekspeditiviteti i gjyqësorit kundruall rasteve të zyrtarëve publik”. Kjo tryezë mbahet nesër në Restaurant ‘Marashi’ në Prizren në ora 11:00.

Përfaqësuesja e “Ec Ma Ndryshe”, Elmedina Baxhaku njoftoi se tryeza mbahet në kuadër të projektit “Transparenca Online e komunave të Prizrenit, Mamushës dhe Prishtinës”.

Të ftuar në panel janë: Ymer Berisha, zëdhënës i Komunës së Prizrenit, Arbër Rexhaj, Lëvizja Vetëvendosje dhe Ismet Kryeziu, drejtor ekzekutiv, Instituti Demokratik i Kosovës.

“Në muajin mars është bërë një vit që prej se Gjykata Themelore e Prizrenit ka shpallur aktgjykimin fajësues ndaj kryetarit të komunës së Prizrenit. Ndonëse kanë kaluar një vit ankesa e mbrojtjes së kryetarit të Prizrenit ende nuk është shqyrtuar në Gjykatën e Apelit”, tha Baxhaku.

“Në anën tjetër organet e drejtësisë vazhdimisht kanë theksuar se rastet korruptive dhe të abuzimit me detyrën zyrtare janë prioritare për shqyrtim. Por tashmë janë mbushur dy vjet që prej se organet e drejtësisë merren me rastin e kryetarit të Prizrenit dhe çështja ende nuk është përmbyllur”.

“Tryeza është një përpjekje për të diskutuar mbi rreziqet që i kanosen integritetit të institucionit të kryetarit të komunës dhe parimit të qeverisjes së mirë në nivel lokal nga zyrtarët publik që ballafaqohen me procese gjyqësore, që marrin kohë për t’u zgjidhur. Gjatë diskutimeve të tryezës, do të analizohen mundësitë për masat që mund të ndërmerren për rritjen e efikasitetit të gjyqësorit në trajtimin e rasteve të zyrtarëve publik që kanë problem me ligjin”./PrizrenPress.com/

Më Shumë

DKA në Suharekë ndan lavdata për nxënësit e dalluar në gara shkollore

Drejtoria Komunale e Arsimit në Suharekë ka organizuar sot një ceremoni rasti, ku janë ndarë lavdata për nxënësit që kanë arritur suksese të veçanta...

Shi e temperatura të larta-Parashikimi i motit për nesër dhe ditët në vijim

Mot shumë i nxehtë do të vazhdoj të mbretëroj përgjatë ditëve të fundjavës në vend, të dominuar nga kushte kryesisht me kthjellime e diell....

Lajmet e Fundit