Gazeta e njohur amerikane Uashington Post ka publikuar një artikull që ka ngjallur shumë diskutime. Në një koment të David Harsanyi-t hidhet një ide tejet e çuditshme për zgjedhjet e ardhshme.
Uashington Post sugjeron që në zgjedhje të mos votojnë injorantët. “Duhet të heqim qafe zgjedhësit injorantë”, shkruan autori. Ai sugjeron që para zgjedhjeve të bëhet një testim për çdo votues potencial për të parë kapacitetin e tij mendor.
Në bazë të rezultateve të vendoset se kush duhet të votojë apo jo.
“Po u besojmë fatin e kombit tonë miliona njerëzve të papërgjegjshëm. Le të fusim një testim dhe të votojnë vetëm ata që janë të përgjegjshëm”, shkruan autori.
Më tej ai e zbut qëndrimin e tij radikal duke bërë edhe ironi me kandidatët. “Ndoshta shumica e qytetarëve mund ta kalojnë testimin, por nuk mund të thuhet e njëjta gjë edhe për kandidatët”, shkruan ai. /Shekulli/