Me rastin e 11 vjetorit të pavarësisë së Kosovës, tenori Ramë Lahaj publikoi këngën kushtuar ushtrisë së vendit.
Kënga me titull “Rrjedh në këngë e ligjërime” ka prekur zemrat e të gjithëve, për shkak të mesazhit që përçon, shkruan lajmi.net.
Ky projekt ka prekur shumë ata që kanë humbur anëtarët e familjes në luftë.
Ramë Lahaj ka publikuar një mesazh, të cilin e mori nga një ndjekëse, e cila ka emocionuar të gjithë me fjalët që ia shkroi.
“Na rrëqethët dje në këtë festë të Pavarësisë! Mes 13 varreve të familjarëve të vrarë në luftë, mes dhjetëra të gjallëve të dëshpëruar nga kjo Liri e përgjysmuar, për herë të parë e dashurova me shpirt 17 shkurtin”, ka shkruar ndër të tjera vajza nga Krusha.
