26.4 C
Prizren
E hënë, 7 Korrik, 2025

Vjet, mbi 10 mijë fëmijë të vrarë ose të plagosur në luftëra

Mbi 10,000 fëmijë janë vrarë ose plagosur në konfliktet e armatosura vitin e kaluar, ndërsa të tjerë janë përdhunuar, detyruar të shërbejnë si ushtarë ose janë marrë peng nga shkollat dhe spitalet, thuhet në një raport të Kombeve të Bashkuara.

Raporti vjetor “Fëmijët dhe Konflikti i Armatosur” po ashtu nxjerr në pah se, në vitin 2017, janë raportuar mbi 21,000 shkelje të të drejtave të fëmijëve, çfarë nënkupton një rritje të mprehtë nga viti paraprak, kur janë raportuar rreth 15,500 raste të tilla.

Në Siri, fëmijët kanë pësuar numrin më të madh të shkeljeve të të drejtave të tyre, thekson raporti.

Sipas tij, krizat në Republikën e Afrikës Qendrore, në Republikën Demokratike të Kongos, në Mianmar, në Sudanin e Jugut dhe në Jemen kanë kontribuar po ashtu në rritjen e dhunës ndaj fëmijëve.

“Kur shtëpitë dhe shkollat sulmohen pa mëshirë, kur strehat e sigurta bëhen shënjestra, si mund të ikin djemtë dhe vajzat nga brutaliteti i luftës? Është e neveritshme”, tha Virgina Gamba, përfaqësuese për fëmijë e sekretarit të përgjithshëm të OKB-së.

Më Shumë

Moti sot: Me diell dhe vranësira të shpërndara, temperaturat deri në 33 gradë Celsius

Sot mbi Kosovë parashihet të mbajë mot me diell dhe vranësira të shpërndara. Sipas parashikimit të Institutit Hidrometeorlogjik të Kosovës, temperaturat minimale do të lëvizin...

FSK-ja shpërthen një mjet të dyshimtë në Prizren

Një person ka hasur në një mjet të pashpërthyer në një fushë në Prizren. Policia ka bërë të ditur se në vendin e ngjarjes kanë...

Lajmet e Fundit