Lëvizja Vetëvendosje! në Prizren, sot do të zyrtarizojë kandidatin Arbër Rexhaj për kryetar të Prizrenit. Ai të dielën e javës së kaluar, i është nënshtruar i vetëm votës së brendshëm zgjedhor të anëtarëve të Lëvizjes Vetëvendosje!.
Zyrtarizimi i kandidaturës së Arbër Rexhajt, do të bëhet në ora 13:00 në restorantin “Renesanca”, lagjja “Bazhdarhane” (përballë “Katër Kullave”) në Prizren, me ç’rast do të mbahet edhe një konferencë për media.
Lëvizja Vetëvendosje! po ashtu sot, do të zyrtarizojë edhe kandidatin për kryetar të Sharrit. Në të dy konferencat do të marrë pjesë edhe lideri i VV-së, Albin Kurti./PrizrenPress.com/