Ministri i Ministrisë së Administratës Publike , Mahir Yagcilar, është takur me kryetarin e Lidhjes së Pensionistëve e Invalidëve të Kosovës Shaban Kajtazi, që shoqërohej nga përfaqësuesit e Shoqatës së Pensionistëve nga Prizreni.
Ministri Yagcilar, në këtë takim, mes tjerash, theksoi se “ t’i ndihmosh të moshuarit, jo vetëm që është obligim i shoqërisë, por edhe kulturë”.
”Do të vazhdojë ndihmën ndaj kategorisë suaj, jo vetëm si ministër, por dhe si qytetar, tha ai,transmeton rtk
Ndërkaq, për Ligjin për Pensionistët e Kosovës, u zotua se do të japë ndihmën e tij maksimale.
Shaban Kajtazi, pasi foli për kontributin e dhënë nga MAP-i në ndërtimin e një ambulante në Prizren, dedikuar për pensionistët, ai përmendi edhe rastin e furnizimit me barna për nevoja të pensionistëve nga Prizreni. Kajtazi, përmendi edhe rastet e donacioneve nga Turqia, të cilat erdhën në shoqatën e Prizrenit me ndihmën e ministrit Yagcilar.
Kajtazi, ministrit Yagcilar i dhuroi një mirënjohje dhe një ekzemplar të Monografisë së Lidhjes së Pensionistëve të Kosovës, botimin e së cilës e ndihmoi Ministria e Administratës Publike.