Paul Pogba është njëri nga futbollistët që do të largohet nga Manchester United në afatin kalimtar të verës.
Mesfushori francez raportohet se është më afër rikthimit te Juventusi se sa kalimit diku tjetër, transmeton Gazeta Express.
Sipas mediave italiane, “Zonja e Vjetër” i ka ofruar Pogbas kontratë tri-vjeçare.
Gjithashtu, klubi nga Torino thuhet se i ka ofruar 29-vjeçarit një rrogë vjetore prej 7.5 milionë eurove.
Paris Saint-Germaini mendohet se është klubi tjetër që ka shprehur interesim për Pogban.
Paul Pogba nga “Old Trafford” do të largohet si lojtar i lirë, pasi kontrata e tij me “Djajtë e Kuq” skadon pas përfundimit të sezonit.